Sérfræðingar um framtið evrunnar: hún á enga.

Skráð af

G. Tómas Gunnarsson skrifar

Á vefsvæði Breska blaðsins The Independent má í dag finna stutt álit ýmissa hagfræðinga og stjórnmálamanna um framtíð eurosins, undir fyrirsögninni: “The experts’ view on the euro’s future: it doesn’t have one.”

Álitin eru fengin úr greinum og viðtölum sem finna má í blaðinu (en ég gat ekki fundið á vefsvæðinu) við þekkta hagfræðinga og stjórnmálamenn. Flestir þeirra voru svartsýnir á framtíð eurosvæðisins, þó að þeir telji að Grikklandskrísan verði því ekki að falli. Þeir virðast telja hinn nýja “Mánudagssáttmála” (EFC – European Fiscal Compact) “Sambandsins” illframkvæmanlegan. Þeir tala um of harðan niðurskurð, sem hamli vexti og ekkert hafi verið gert til að leysa jafnvægis og samkeppnisvanda innan myntbandalagsins. Nánar →

IPA – styrkirnir og ESB – fríðindin

Skráð af

Vigdís Hauksdóttireftir Vigdísi Hauksdóttur, þingmann Framsóknarflokksins

Eitt höfuðeinkenni EES samningsins er fjórfrelsið. Fjórfrelsið er hugtak sem vísar til frelsis til flutninga á fólki, varningi, þjónustu og fjármagns inna Evrópska efnahagssvæðisins. Öll mismunun er bönnuð og jafnræði verður að vera í heiðri haft. Hafa fallið margir dómar hjá aðildarríkjum ESB, hjá Evrópudómstólum og dómstólum hér á landi sem reynt hefur á þessa mismunun. Nánar →

Martröð unga fólksins

Skráð af

Eftir Tómas Gunnarsson:

Um áramót mældist atvinnuleysi í eurolöndunum 10.4%. Eftir því sem mér skilst er það mesta atvinnuleysi sem hefur mælst á svæðinu síðan euroið var tekið upp. Yfir 23. milljónir manna eru án atvinnu í Evrópusambandinu. Þar er atvinnuleysið rétt um 10%. Margir hagfræðingar spá því að það verði komið í 11% um mitt þetta ár. Nánar →

IPA – styrkir ESB

Skráð af

Vigdís Hauksdóttir, Alþingismaður

eftir Vigdísi Hauksdóttur, þingmann Framsóknarflokksins

Nú hefur Össur Skarphéðinsson lagt fram þingsályktunartillögu á Alþingi sem heimilar viðtöku ESB-styrkja að upphæð allt að 30 milljónum evra sem svara til um 5.000 milljóna íslenskra króna. Nú þegar hefur ríkisstjórnin tekið yfirdráttarlán af þessari upphæð því í fjárlögum fyrir 2012 voru færðar 596 milljónir. Það kom fram í umræðum á Alþingi nú í vikunni að hvorki utanríkisráðherra né fjármálaráðherra vissu um fyrirframgreiðsluna. Að ríkissjóður  taki að „láni“ fjárhæðir frá ESB og færi þær í fjárlög ríkisins án þess að heimild liggi fyrir frá Alþingi um hvort taka megi við styrkjunum eða ekki er í besta falli vafasöm athöfn. Þáverandi fjármálaráðherra Steingrímur J. Sigfússon ber mikla ábyrgð á þessum gjörningi og sífellt hækkar afglapastabbi hans í starfi.

Nánar →

Íslensk stjórnvöld tefja ESB-ferlið

Skráð af

Steingrímur J. segist vilja flýta viðræðum við ESB en það er blekking.

Timo Summa sendiherra Evrópusambandsins á Íslandi hefur sagt að íslensk stjórnvöld ákveði sjálf hraða viðræðnanna um aðild að ESB. Viðmið fyrir viðræður við þjóð sem á aðild að EES-samningnum líkt og við er eitt og hálft ár eða 16-18 mánuðir.

Umsókn Íslands var send í júlí 2009 eða hálfu þriðja ári, 30 mánuðum.

Íslensk stjórnvöld teygja lopann í viðræðum við ESB; Samfylkingin vegna þess að hún vill eiga til góða ófullgerðan samning við næstu kosningar og VG vegna þess að flokkurinn myndi endanlega klofna þegar samningur lægi fyrir.

Jón Bjarnason: ESB-styrkir eru mútufé

Skráð af

ESB- sinnar sækja nú hart á  Alþingi að samþykkja heimildir til að taka á móti ca 5 milljarða sérstökum beinum fjárstuðning (IPA) við Ísland til þess að tryggja að íslensk stjórnsýsla og stofnanir verði tilbúin til að yfirtaka allt regluverk ESB við lok samningsgerðar. Ráðstöfun þessa fjár skal njóta víðtækra skattfríðinda hér á landi..

Fjárstuðningurinn dreifist á næstu þrjú ár, en á þeim tíma á að ljúka samningsferlinu og aðlögun Íslands að ESB.

Mér kemur ekki á óvart  brennandi áhuga Samfylkingarinnar í að þiggja þessar fjárgjafir. En þeim mun mikilvægara er að þingmenn VG standi í lappirnar og komi í veg fyrir slíka mútuþægni.

Nánar →

Evran: smíðagalli, ofurtrú eða svik? Kostir Íslands

Skráð af

Erindi á fundi Heimssýnar á Húsavík, 14. janúar 2012
Stefán Jóhann Stefánsson

Mér flaug í hug skipið Titanic þegar ég var að hugsa um Gjaldmiðilsbandalag Evrópu um daginn. Það er kannski ekki svo margt líkt með þessu tvennu. Og það er kannski ósanngjarnt að bera þetta saman. Samt hafa ýmsir sagt að það að ætla sér að ganga í ESB og taka upp evru væri eins og ef skipverjar á gömlu, en samt vel sjóhæfu skipi stykkju frá borði og klifruðu um borð í hið sögufræga farþegaskip,Titanic, eftir að það hafði rekist á ísjaka. Og ég hugsaði með mér: Er eitthvað líkt með þessu sögufræga skipi og þessari sögufrægu tilraun til að samhæfa peningamál í Evrópu með því að taka upp einn gjaldmiðil fyrir álfuna í stað margra?

Nánar →

Evrópusambandið og veruleikinn

Skráð af

Halldóra Hjaltadóttir

Eftir Halldóru Hjaltadóttur – birtist í MBL 23. jan 2012

Ísland er eitt margra landa sem mynda Norðurálfu. Álfan er ekki eitt land, ekki samofin heild og getur aldrei orðið eitt land þrátt fyrir drauma hugsjónamanna. Löndin eru mörg og hvert öðru ólík. Þau hafa sína eigin menningu, sitt eigið tungumál, jafnvel sína eigin þjóð og sál sem aldrei verður föl.

Fæðing Evrópusambandsins var á sínum tíma fallegur draumur manna sem þráðu frið og efnahagslegan stöðugleika. Þeir ákváðu þó í fyllingu tímans að færa þetta efnahagsbandalag í átt til sambandsríkis, þvert á vilja almennings í aðildarríkjunum. Nánar →

Evrugeddon – Lærum af reynslu Grikkja

Skráð af

Gústaf Adolf Skúlason

Gústaf Adolf Skúlason skrifar – birtist í MBL 20. jan 2012

Afleiðing af upptöku evrunnar og inngöngu Grikkja í ESB er harmleikur. Reiðin beinist gegn einveldisstjórn ESB, fremst Þýskalandi og Frakklandi: “Brauð, heilsa, frelsi!” hrópar fólkið og “þjófar!” að stjórnmála- og þingmönnum.

Í athyglisverðri heimildarmynd blaðakonunnar Alexöndru Pascalidou í sænska sjónvarpinu við nýár var raunveruleiki Grikkja sýndur. Eftir þáttinn styrktu margir Svíar barnaheimili SOS í Grikklandi en þangað er komið með börn, sem ekki fá mat heima fyrir. Vonandi þorir íslenska sjónvarpið að sýna þessa mynd. Nánar →

Könnun: 52% vilja ekki taka upp evru

Skráð af

52% aðspurðra eru andvígir því að taka upp evru samkvæmt könnun MMR fyrir Andríki sem gerð var dagana 12. til 17. janúar sl.

Spurt var: Hversu fylgjandi eða andvígur ert þú því að Ísland taki upp evru sem gjaldmiðil landsins?

Niðurstöðurnar eru afgerandi. Aðeins 28% landsmanna eru frekar eða mjög fylgjandi því að taka upp evru. Tæp 52% eru því frekar eða mjög andvíg. Fimmtungur segist hvorki fylgjandi né andvígur. Af þeim sem afstöðu taka eru 65% andvígir upptöku evru, en 35% fylgjandi.