Heimssýn

Evran, kostir og gallar

4. mar 2010

Heimssýn boðar til opins fundar þriðjudaginn 9. mars nk. á Thorvaldsen Bar á Austurstræti.

Stefán Jóhann Stefánsson, varaborgarfulltrúi Samfylkingarinnar og hagfræðikennari fjallar um kosti og galla evrunnar.

Fundurinn hefst kl. 20:00.

Heimssýn heldur reglulega fræðslufundi um Evrópusambandið og áhrif inngöngu Íslalands í sambandið.

Heimssýn stofnfundir á Suðurlandi

18. feb 2010

Stofnfundir aðildarfélaga Heimssýnar í Rangárvallasýslu og Vestur-Skaftafellssýslu verða fimmtudaginn 18. febrúar.

Stofnfundur Heimssýnar í Vestur-Skaftafellssýslu Vík í Mýrdal – Á Ströndinni í Víkurskála, kl. 20:00
Gestir fundarins verða alþingismennirnir Unnur Brá Konnráðsdóttir, Sigurður Ingi Jóhannsson og Ásmundur Einar Daðason.

Stofnfundur Heimssýnar í Rangárvallasýslu Hella - Árhúsum kl.20:00
Gestir fundarins verða alþingismennirnir Atli Gíslason, Eygló Harðardóttir og Ragnheiður Elín Árnadóttir.

Ísafold, félag ungra andstæðinga ESB-aðildar

8. feb 2010

Ísafold, félag ungs fólks gegn ESB-aðild, er heitið á samtökum sem stofnuð voru 6. febrúar í sal Þjóðminjasafnsins. Um 40 til 50 manns sátu fundinn. Formaður Ísafoldar var kjörinn Brynja Björg Halldórsdóttir.

Hlutverk félagsins er að stuðla að opinni og upplýstri umræðu um Evrópusamstarf og sjálfstæða stöðu Íslands á alþjóðavettvangi. Félagið er opið öllum á aldrinum 16-35 ára.

Þingmennirnir Ásmundur Einar Daðason, Unnur Brá Konráðsdóttir og Vigdís Hauksdóttir ávörpuðu fundinn.

Eftirtaldir sitja í stjórn Ísafoldar

Nánar...

60 prósent atvinnulífsins á móti ESB-aðild

15. feb 2010

,,Tæplega 60% forsvarsmanna íslenskra fyrirtækja telja hagsmunum íslensks viðskiptalífs betur borgið utan Evrópusambandsins. Þó viðhorf séu skipt eftir atvinnugreinum, þá taldi einungis 31% aðspurðra að íslensku viðskiptalífi væri betur borgið innan ESB.

Þessi afstaða gegn aðild að Evrópusambandinu er á skjön við könnun sem Viðskiptaráð framkvæmdi fyrir ári síðan í tengslum við Viðskiptaþingið 2009. Í þeirri könnun var meirihluti hlynntur umsókn um aðild að Evrópusambandinu og taldi hana hafa jákvæð áhrif á stöðu efnahagsmála. Því má segja að veruleg breyting hafi orðið í viðhorfi íslenskra atvinnurekenda í garð ESB undanfarna 12 mánuði."

Hér er frétt Viðskiptaráðs.

Matvælaverð hagstætt á Íslandi

25. jan 2010

Ódýrasta matarkarfan er í Berlínarborg en neytandinn þarf að greiða mest fyrir vörurnar í Osló, samkvæmt könnun í Bændablaðinu. Ísland kemur vel út úr samanburðinum og er næstódýrast í samanburði verði á gúrkum, nýmjólk, hreinu smjöri, kjúklingabringum og eggjum. Verð var kannað í sjö löndum. Nýmjólkin er áberandi dýrust í Osló þar sem líterinn kostar 304 krónur. Í Óðinsvéum í Danmörkukostar hann 193 krónur og 177 krónur í London. Hérlendis kostar líterinn 103 krónur. Ódýrasti mjólkurlíterinn er hins vegar í Berlín í Þýskalandi þar sem hann kostar einungis 98 krónur, 5% lægri en í Reykjavík.

Smjörverð er afar misjafnt á milli landa. Þannig er smjörið ódýrast á Íslandi þar sem kílóverðið var 530 krónur en dýrast á Spáni þar sem kílóið kostar 1.657. Þarna munar 212%. Gúrkurnar reyndust ódýrastar á Spáni en dýrastar í Lúxemborg þar sem stykkjaverð var 226 krónur. Það er rúmlega helmingi hærra verð en í Krónunni í Reykjavík.

Mikill verðmunur reynist vera á kjúklingabringum milli landa. Hér er um að ræða ferskar bringur en ekki frosnar. Dýrastar eru bringurnar í Noregi þar sem kílóið
kostar 3.551 krónu en ódýrastar í Þýskalandi þar sem kílóverðið er 982 krónur. Athygli vekur að íslensku bringurnar lenda í miðjunni í verðsamanburði. Þær reynast dýrari í Noregi, Danmörku og Lúxemborg en ódýrari á Spáni, í Þýskalandi og á Englandi.

Eggjaverðið er lægst á Spáni þar sem hægt er að kaupa 6 egg í pakka á 152 krónur. Í Noregi er verðið hæst eða 553 krónur. Á Íslandi er eggjapakkinn á 245 krónur. Þegar á heildina er litið og skoðað hvað þessi tiltekna búvörukarfa kostar er verðmunurinn 150% á milli þeirrar dýrustu og ódýrustu.

Sjá nánar í Bændablaðinu.

Fleiri greinar...