Author Archives: wm

Evrugeddon – Lærum af reynslu Grikkja

Skráð af

Gústaf Adolf Skúlason

Gústaf Adolf Skúlason skrifar – birtist í MBL 20. jan 2012

Afleiðing af upptöku evrunnar og inngöngu Grikkja í ESB er harmleikur. Reiðin beinist gegn einveldisstjórn ESB, fremst Þýskalandi og Frakklandi: “Brauð, heilsa, frelsi!” hrópar fólkið og “þjófar!” að stjórnmála- og þingmönnum.

Í athyglisverðri heimildarmynd blaðakonunnar Alexöndru Pascalidou í sænska sjónvarpinu við nýár var raunveruleiki Grikkja sýndur. Eftir þáttinn styrktu margir Svíar barnaheimili SOS í Grikklandi en þangað er komið með börn, sem ekki fá mat heima fyrir. Vonandi þorir íslenska sjónvarpið að sýna þessa mynd. Nánar →

Könnun: 52% vilja ekki taka upp evru

Skráð af

52% aðspurðra eru andvígir því að taka upp evru samkvæmt könnun MMR fyrir Andríki sem gerð var dagana 12. til 17. janúar sl.

Spurt var: Hversu fylgjandi eða andvígur ert þú því að Ísland taki upp evru sem gjaldmiðil landsins?

Niðurstöðurnar eru afgerandi. Aðeins 28% landsmanna eru frekar eða mjög fylgjandi því að taka upp evru. Tæp 52% eru því frekar eða mjög andvíg. Fimmtungur segist hvorki fylgjandi né andvígur. Af þeim sem afstöðu taka eru 65% andvígir upptöku evru, en 35% fylgjandi.

Örlagatímar í ESB – Danir í forystu

Skráð af

Þegar Danir taka við formennsku innan Evrópusambandsins, stjórna ráðherrafundum þess og móta pólitískar áherslur er þeim talið til tekna að standa utan evru-samstarfsins, fyrir bragðið sé auðveldara en ella fyrir þá að leiða þjóðir sambandsins utan og innan evru-svæðisins til samstarfs. Jafnframt er talið í dönskum blöðum að verulega muni reyna á hæfni danskra forystumanna af því að nú gangi Evrópusambandið í gegnum mestu erfiðleika í 53 ára sögu sinni. Nánar →

Áskorun til Íslendinga

Skráð af

 Daniel Hannan, þingmaður breska Íhaldsflokksins á Evrópusambandsþinginu skrifar:

Kæru Íslendingar! Ég geri mér fulla grein fyrir því að þið standið nú frammi fyrir mjög erfiðum tímum – við stöndum raunar öll frammi fyrir mjög erfiðum tímum – en engir erfiðleikar eru svo miklir að aðild að Evrópusambandinu geti ekki gert þá verri. Ég skil vel að þið séuð í sárum og finnist þið standa ein á báti. Þið hafið fulla ástæðu til þess eftir ömurlega framkomu Gordons Browns í ykkar garð. En ef þið bregðist við með því að leggja niður lýðræðið ykkar og sjálfstæði þá festið þið ykkur í sömu vandamálum og þið eruð í núna um alla framtíð. Nánar →

Undanþága frá stórríkinu?

Skráð af

Hjörtur J. Guðmundsson, fyrrum stjórnarmaður í Heimssýn, hreyfingu sjálfstæðissinna í Evrópumálum skrifar:

Margir þeirra sem vilja að Ísland verði hluti af Evrópusambandinu hafa verið iðnir við að fullyrða að fást muni undanþágur frá hinu og þessu í aðildarviðræðum við sambandið, þá einkum í sjávarútvegsmálum. Þessu hafa þeir lengi haldið blákalt fram þrátt fyrir að ráðamenn innan Evrópusambandsins hafi ítrekað sagt á undanförnum árum að varanlegar undanþágur séu ekki í boði af hálfu sambandsins enda hvorki vilji né fordæmi fyrir slíku. Nú síðast kom þetta fram í viðtali sem Fréttablaðið tók við Olli Rehn, stækkunarkommissar Evrópusambandsins, þann 8. nóvember sl. Nánar →

Greinasafn eftir Björn Bjarnason

Skráð af
Atli Harðarson, heimspekingur skrifar:

Björn Bjarnason hefur sérstöðu meðal íslenskra stjórnmálamanna fyrir óvenjulega skarpskyggni og rökfestu. Þessi kostir hans njóta sín vel í greinasafninu Hvað er Íslandi fyrir bestu? sem út kom hjá Bókafélaginu Uglu fyrir fáeinum dögum síðan.

Í bókinni eru 13 greinar sem allar fjalla um samband Íslands við Evrópusambandið. Sú elsta er frá árinu 2003 og sú nýjasta var rituð í desember 2008. Nánar →

Íbúar ESB-ríkja ósáttir við ástandið

Skráð af

Á síðustu misserum hefur verið gífurleg óánægja með ástand efnahagsmála meðal íbúa ESB-ríkjanna. Víða um Evrópu hefur almenningur farið á götur borga og bæja til þess að krefjast umbóta, og hafna aðhaldsaðgerðum stjórnvalda.

Írland - Mótmæli voru haldin 6. desember í því skyni að andmæla kröfum ESB um aðhaldsaðgerðir. Margir telja þetta byrjun á herferð sem mun leiða til að þjóðaratkvæðagreiðsla þarlendis mun eiga sér stað um samning um samruna fjárlagagerðar ESB-ríkjanna. Nánar →

Er búið að bjarga evrunni?

Skráð af

Erindi á fundi Heimssýnar í Háskólanum, Háskólatorgi 101, 15. desember 2011 eftir Stefán Jóhann Stefánsson

Um höfundinn: Stefán Jóhann Stefánsson er hagfræðingur, var lengi formaður Samfylkingarfélagsins í Reykjavík, í framkvæmdastjórn (varafulltrúi vegna kynjakvóta) og flokksráði Samfylkingar og varaborgarfulltrúi Samfylkingarinnar í Reykjavík. Nánar →

Makríldeilan sýnir glöggt hvers vegna ESB-aðild er glapræði

Skráð af

Í nýlegri orðsendingu Tómasar H. Heiðar, aðalsamningamanns Íslendinga í viðræðum um makrílveiðar, kemur fram að á undanförnum fundum hafi fulltrúar ESB aftur og aftur LÆKKAÐ tilboð sín! Fréttablaðið segir frá því í dag að ESB hafi „gert að tillögu sinni að hlutdeild Íslands yrði 8% á fundi í London í haust“ en „ESB hafi „nefnt enn hærri tölur fyrr í samningaviðræðum strandríkjanna.“ Nú hljóðar tilboð ESB upp á 6,5%! Samhliða því hótar ESB að beita Íslendinga og Færeyinga refsiaðgerðum og „ýjar að innflutningsbanni og öðrum viðskiptaaðgerðum“, segir Tómas H. Heiðar. Nánar →

Vel heppnaður fundur

Skráð af

Heimssýn hélt hádegisfund í gær 15. desember í Háskóla Íslands undir fyrirsögninni „Er hægt að bjarga evrunni?“ og var hann vel sóttur, enda mættu vel á fjórða tug.

Sagði Björn Bjarnason frá stjórnmálalegum áskorunum ESB-ríkjanna. Þótti erindi hans sérstaklega fróðlegt og hafði hann mikið til málanna að leggja, en hann hefur nýlega verið í Brussel og Berlín. Stefán Jóhann Stefánsson fór vandlega yfir hagfræðilegu hlið málsins og kynnti þar megin atriði. Upptaka af fundinum mun verða aðgengileg bráðum.