Heimssýn hvetur til þess að viðræðum við Evrópusambandið verði formlega hætt

Frá framkvæmdastjórn Heimssýnar:

Heimssýn – hreyfing sjálfstæðissinna í Evrópumálum hvetur stjórnarflokkana til þess að standa við stefnu sína um að hætta formlega aðlögunarviðræðum við Evrópusambandið. Heimssýn hvetur einnig utanríkisráðherra til þess að sýna áfram staðfestu í málinu.

Nú hefur verið sannað að um er að ræða aðlögunarferli en ekki könnunarviðræður eins og oft hefur verið haldið fram. Sú staðreynd að IPA-styrkirnir hafa verið stöðvaðir af framkvæmdastjórn Evrópusambandsins um leið og ferlið var stöðvað sýnir að þeir voru ætlaðir til þess   að laga íslenska stjórnsýslu að lögum og reglum sambandsins. Nánar

Formaðurinn í viðtali hjá Evrópuvaktinni

Ásmundur Einar Daðason, alþingismaður og formaður Heimssýnar, segir í viðtali við Evrópuvaktina að megin niðurstaða hans eftir samtöl við ráðamenn og áhrifamenn hjá Evrópusambandinu og Evrópuþinginu í Brussel skömmu fyrir páska sé sú, að fyrir utan innsta kjarnan í ESB séu menn í Brussel illa upplýstir um þá djúpu og sterku andstöðu, sem sé hér á Íslandi gegn aðild að Evrópusambandinu. Jafnframt sé ljóst, að þeir sem hafi haldið því fram hér að eins konar kalt stríð mundi brjótast út á milli Íslands og Evrópusambandsins ef Ísland stöðvi viðræður hafi rangt fyrir sér. Í Brussel sé enginn áhugi á að styggja Íslendinga. Nánar

Vanhæf samningnefnd? Vanhæf ríkisstjórn?

G. Tómas GunnarssonEftirfarandi pistil má finna á bloggsíðu G. Tómasar Gunnarssonar.

Það er hreint með eindæmum hvað ríkisstjórn Íslands, samninganefndin og “Sambandið” vilja draga þessar samningnaviðræður á langinn.

Það veitti líklega ekki af því að Íslendingingum verði gerð grein fyrir þeim árangri sem náðst hefur í viðræðunum nú þegar. Nánar

Vel sóttur fundur

Heimssýn hélt í dag fund um stöðu aðildarumsóknar Íslands að ESB undir fyrirsögninni “Er ESB-umsóknin dauð?”. Var fundurinn vel sóttur, en þar mættu vel á fjórða tug manns.

Umræður voru bæði fróðlegar og málefnalegar. Styrmir Gunnarsson var þeirrar skoðunar að aðildarumsókn Íslands að ESB væri “pólítískt dauð”, eins og hann orðaði það, meðal annars vegna þeirrar andstöðu við hana sem upp er komin og vegna “skorts á dýnamískri umræðu um sambandið” og að “umræðan hefur takmarkast við umræðu um gjaldmiðilinn og evruna”. Nánar

Er ESB-umsóknin dauð?

Heimssýn – hreyfing sjálfstæðissinna í Evrópumálum, mun halda opinn hádegisfund undir fyrirsögninni „Er ESB-umsókin dauð?“. Fundarstaður  er  Thorvaldsen í Austurstræti 8-10 í Reykjavík, fimmtudaginn 20. september klukkan 12:00.

Lítill stuðningur er á bak við aðildarumsókn Íslands, hvorki á alþingi né meðal kjósenda. Af fjórum stjórnmálaflokkum á alþingi eru þrír á móti aðild Íslands. Í samfélaginu eru engir kraftar, sem orð er á gerandi, er vinna að framgangi umsóknarinnar. Ágreiningur  ríkir milli Íslands og Evrópusambandsins um makrílveiðar, og sitja Íslendingar undir hótunum um viðskiptaþvinganir. Óeining er innan ríkisstjórnarinnar um ESB-umsóknina og aðlögunarferlið. Þá er gjaldmiðill Evrópusambandsins, evran, í djúpri og alvarlegri kreppu sem ekki sér fyrir endann á. Evran hefur verið helsta röksemd aðildarsinna en núna er hún dragbítur.

Frummælendur verða Styrmir Gunnarsson, fyrrverandi ritstjóri, og Mörður Árnason, alþingismaður. Að loknum erindum frummælenda verður opnað á spurningar úr sal. Fundarstjóri verður formaður Heimssýnar, Ásmundur Einar Daðason, og er fundurinn opinn öllum.

(á facebook)

Aðlögun án samþykktar blasir við

Þann 9. mars síðastliðinn auglýsti embætti ríkisskattstjóra eftir verkefnastjóra til starfa „við aðlögun tölvukerfa embættisins að kröfum Evrópusambandsins auk annarra verkefna“, eins og segir í auglýsingu embættisins. Með þessu  er staðfest enn eitt dæmið um að um aðlögunar-ferli sé að ræða en ekki aðildarviðræður. Skúli Eggert Þórðarson ríkisskattstjóri segir í viðtali við Morgunblaðið í dag „…þetta snýst um að aðlaga tölvukerfi skattyfirvalda ef til aðildar kemur“. Með öðrum orðum á að vinna að aðlöguninni áður en samþykkt er að ganga í ESB. Nánar

Er um eitthvað að semja?

Eftir Hermann Aðalsteinsson bónda, Lyngbrekku – Birtist í Bændablaðinu 16.2.2012

Margir halda að Ísland standi í samningaviðræðum um aðild að ESB. Bara svona að kíkja í pakkann dæmi og sjá hvað er í boði, og ef okkur líst ekki á það sem er í boði getum við hætt við aðild og fellt hugsanlegan samning í þjóð-aratkvæðagreiðslu. Þetta er mikill misskilningur. Eina leið Íslands til þess að fá aðild að ESB er með fyrirfram aðlögun á því regluverki ESB, sem við höfum ekki þegar tekið upp vegna EES-samningsins, áður en til þjóðaratkvæðagreiðslu um aðild kemur. Nánar

Sértrúarsöfnuðurinn ESB-sinnar

Páll Vilhjálmsson

eftir Pál Vilhjálmsson

Einkenni sértrúarsöfnuða er að dauðahald í kreddur og kennisetningar sem veruleikinn hefur afhjúpað sem kjánaskap og vitleysu. ESB-sinnar á Íslandi eru haldnir þessu einkenni í ríkum mæli. Evrópusambandið sem Ísland sótti um aðild að 16. júlí 2009 er ekki lengur til. Klofningur er staðfestur milli þeirra tíu ESB-ríkja sem standa utan evru-samstarfsins og hinna  17 sem nota evru sem lögeyri. Nánar

Íslensk stjórnvöld tefja ESB-ferlið

Steingrímur J. segist vilja flýta viðræðum við ESB en það er blekking.

Timo Summa sendiherra Evrópusambandsins á Íslandi hefur sagt að íslensk stjórnvöld ákveði sjálf hraða viðræðnanna um aðild að ESB. Viðmið fyrir viðræður við þjóð sem á aðild að EES-samningnum líkt og við er eitt og hálft ár eða 16-18 mánuðir.

Umsókn Íslands var send í júlí 2009 eða hálfu þriðja ári, 30 mánuðum.

Íslensk stjórnvöld teygja lopann í viðræðum við ESB; Samfylkingin vegna þess að hún vill eiga til góða ófullgerðan samning við næstu kosningar og VG vegna þess að flokkurinn myndi endanlega klofna þegar samningur lægi fyrir.