Opinn fundur Herjans og Ísafoldar

Ísafold félag ungs fólks gegn ESB – aðild í samstarfi við Herjan félag stúdenta gegn ESB – aðild auglýsir málfund um tillögur stjórnlagaráðs að nýrri stjórnarskrá, nánar tiltekið 110. grein um framsal ríkisvalds og 111. gr um þjóðréttarsamninga. Fundurinn verður haldinn föstudaginn nk. 12. október í stofu 205 Lögbergi frá kl. 12:25 – 13:25.

Gestir í pallborði verða Ólafur Egill Jónsson lögfræðingur, Ómar Ragnarsson fréttamaður og stjórnlagaráðsfulltrúi, Gunnlaugur Snær Ólafsson upplýsingafulltrúi Heimssýnar og Pétur Gunnlaugsson stjórnlagaráðsfulltrúi og útvarpsmaður á Útvarpi sögu.

Fundarstjóri verður Brynja Halldórsdóttir laganemi og fv. formaður ÍsafoldarFundurinn verður haldinn í stofu 205 í lögbergi.

Allir Velkomnir

Vel sóttur fundur

Heimssýn hélt í dag fund um stöðu aðildarumsóknar Íslands að ESB undir fyrirsögninni “Er ESB-umsóknin dauð?”. Var fundurinn vel sóttur, en þar mættu vel á fjórða tug manns.

Umræður voru bæði fróðlegar og málefnalegar. Styrmir Gunnarsson var þeirrar skoðunar að aðildarumsókn Íslands að ESB væri “pólítískt dauð”, eins og hann orðaði það, meðal annars vegna þeirrar andstöðu við hana sem upp er komin og vegna “skorts á dýnamískri umræðu um sambandið” og að “umræðan hefur takmarkast við umræðu um gjaldmiðilinn og evruna”. Nánar

Er ESB-umsóknin dauð?

Heimssýn – hreyfing sjálfstæðissinna í Evrópumálum, mun halda opinn hádegisfund undir fyrirsögninni „Er ESB-umsókin dauð?“. Fundarstaður  er  Thorvaldsen í Austurstræti 8-10 í Reykjavík, fimmtudaginn 20. september klukkan 12:00.

Lítill stuðningur er á bak við aðildarumsókn Íslands, hvorki á alþingi né meðal kjósenda. Af fjórum stjórnmálaflokkum á alþingi eru þrír á móti aðild Íslands. Í samfélaginu eru engir kraftar, sem orð er á gerandi, er vinna að framgangi umsóknarinnar. Ágreiningur  ríkir milli Íslands og Evrópusambandsins um makrílveiðar, og sitja Íslendingar undir hótunum um viðskiptaþvinganir. Óeining er innan ríkisstjórnarinnar um ESB-umsóknina og aðlögunarferlið. Þá er gjaldmiðill Evrópusambandsins, evran, í djúpri og alvarlegri kreppu sem ekki sér fyrir endann á. Evran hefur verið helsta röksemd aðildarsinna en núna er hún dragbítur.

Frummælendur verða Styrmir Gunnarsson, fyrrverandi ritstjóri, og Mörður Árnason, alþingismaður. Að loknum erindum frummælenda verður opnað á spurningar úr sal. Fundarstjóri verður formaður Heimssýnar, Ásmundur Einar Daðason, og er fundurinn opinn öllum.

(á facebook)

Aðlögun án samþykktar blasir við

Þann 9. mars síðastliðinn auglýsti embætti ríkisskattstjóra eftir verkefnastjóra til starfa „við aðlögun tölvukerfa embættisins að kröfum Evrópusambandsins auk annarra verkefna“, eins og segir í auglýsingu embættisins. Með þessu  er staðfest enn eitt dæmið um að um aðlögunar-ferli sé að ræða en ekki aðildarviðræður. Skúli Eggert Þórðarson ríkisskattstjóri segir í viðtali við Morgunblaðið í dag „…þetta snýst um að aðlaga tölvukerfi skattyfirvalda ef til aðildar kemur“. Með öðrum orðum á að vinna að aðlöguninni áður en samþykkt er að ganga í ESB. Nánar