Heimssýn Skagafirði, aðildarfélag Heimssýnar í Skagafirði var stofnað á opnum fundi um Evrópumál sem samtökin stóðu fyrir í Varmahlíð 14. júní 2009. Um fjörtíu manns sótti fundinn.

Frummælendur voru Ragnar Arnalds, formaður Heimssýnar, Gunnar Bragi Sveinsson, alþingismaður, Ragnar Rögnvaldsson, Rögnvaldur Ólafsson í Flugumýrarhvammi og Agnar Gunnarsson í Miklabæ. Miklar umræður urðu á fundinum um fyrirhugaða inngöngu Íslands í ESB og ríkti mikill einhugur á fundinum að standa bæri fast gegn þeim áformum. Sagt er ítarlega frá umræðum á fundinum í Bændablaðinu 25. júní s.l. Í lok fundarins voru eftirtaldir kjörnir stjórn til bráðabirgða fyrir aðildarfélag Heimssýnar í Skagafirði:

• Ingi Björn Árnason, Marbæli, formaður
• Þórarinn Magnússon, Frostastöðum
• Ágúst Guðmundsson, Sauðárkróki

Til vara:

• Gísli Árnason, Sauðárkróki
• Árni Gunnarsson, Sauðárkróki
• Agnar Gunnarsson, Miklabæ